NE MUANDA NSEMI
NLONGI'A KONGO NE MAKANDALA

Ne Muanda Nsemi i Ntumu'a Tata Nzambi'a Mpungu mu tandu kiaki kia nsilulu kua Kanda dia Kongo. Yandi i nsinga wa wola weti kulumukinanga buabu ku Kongo luzolo lua Tata Nzambi, lua Bisimbi bia nsi, ye Bakulu Banunga.

NLONGI'A KONGO NE MAKANDALA mbangudulu vo Mfumu a Kinzambi ye Mayala, Ntinu ye mpe Ngudi'a Nganga. Kadi yandi i Nlongi wa Bamayala ye Banganga Nzambi.

NLONGI'A KONGO NE MAKANDALA i Nkuluntu a Bundu dia Kongo ku Kongo, mu Katiopa, ye Nza yamvimba. Yandi i Muinda wanene mu Nzila Kongo.

BILANDI BITATU BIA NLONGI'A KONGO

Kinlongo kia Kongo, Lusanga lua Kongo, ye Mayala ma Kongo i biela bitatu bia Bundu dia Kongo.
Mu tuadisa bisalu bia Bundu dia Kongo, Bilandi bitatu bia Nlongi'a Kongo Ne Makandala i Mfumu'a Mayala, Mfumu'a Kinlongo, ye Mfumu'a Lusanga lua Kongo.

MAYALA - KINZAMBI - MINSIKU

SALU KIA NLONGI'A KONGO

Kanda dia Kongo mu KINKOLE diena. Kinkole kia Luyalu, Kinkole kia Lusalu, ye Kinkole kia Kimpeve.
Mu katuka mu kinkole kiokio, Bakongo bafuete vuata KIKESA YE MAZAYU. Kadi wonga ye buzengi i mianzi miole misiamisanga kinkole kia kanda dia bantu. Buzengi dia budianga ye fukisanga makanda ma bantu.

Kiasala Nkua Mazayu kitomanga, kia Nkua Bunzimbu ka kitomanga ko.

Idina Tata Nzambi'a Mpungu ye Simbi kia Kongo batufidisidi NLONGI WA NSILULU, kidivo kanatina Bana ba Kongo MALONGI mana kubazibula meso, ye kubavana MAZAYU ye KIKESA, bina kubasadisa mu vuza mianzi mia kinkole kiakotesua Kongo, baka kimpuanza kianzole, ye tunga Kongo diampa, bonso buenina nsilulu zasila Tata Nzambi'a Mpungu kua Bakulu beto.

BDK - 2007

BINSALA